燒肉酒場 (已搬遷) 新店位置

新一年好多活動都未做得，好似只剩下食可以享受吓，幸好同朋友們都喜歡食，每次就找些下午時間見面食飯傾計，今次比我地探到間新店，專食羊肉及燒肉、北海道有名嘅成吉思汗燒肉—燒肉酒場。位置都幾隱蔽，如不是朋友介紹我地都唔知道有依間新餐廳啊！首先前菜食住椰菜絲沙律、芥辣八爪魚等肉到就可以燒肉啦！椰菜絲沙律面頭撒上薯片更添口感，芥辣八爪魚山葵味幾開胃！另外佢地嘅洋蔥係免費任食，擺係爐邊一路燒肉又唔洗點理佢，好快就食得，配埋燒肉食心理作用感覺無咁油膩！必食當然係佢地嘅羊肉，種類都幾多，今次就揀咗羊卷肉、羊西冷兩款試吓先。羊卷肉攤上爐大大塊，羊味都幾重但又唔會太羶，羊西冷就肉厚味濃啲。牛板腱平放係爐面，每邊燒一會就可以食得，雖然一份只得四塊但一塊都好飽嘴好滿足！仲叫咗豬頸肉止一下癮，燒到帶點焦脆，油脂唔會太重啱我口味。除咗羊、牛、豬，仲有雞肉嘅部分呢！我地點咗雞腎，每塊都幾厚，燒到咁上下可以剪一半再燒，好厚肉食落好爽口又juicy。食過幾款肉後當然唔少得食啲主食，羊湯烏冬幾推介，其中羊肉份量幾多，烏冬幾入味，湯都呷了幾口。飲品方面飲啲燒酌配燒肉正啊！燒酌放咗好多檸檬同西柚嘅果肉呢，無欺場，果味足啊！整