鋿晶館 (上水匯) (裝修中)

平民化晚價錢，高級酒店級數的享受。食神香芒大蝦球＄118真係超級好食，估唔到店家要加食神兩個字。蝦肉真係大大隻好爽口好新鮮，個汁調味好好，而且個炸到非常香口，食到去好好餸飯，我同太太食完都讚不絕口，好食到不得了。另外想讚下佢既斑頭腩蒸荷葉飯 ＄88咁大碟竟然只賣88蚊，而家份量十足，蒸既時間，調味都係非常之岩岩好，食到冇停口。我地仲叫左雪糕朱古力特飲，我覺得係必點之選，係香港已經買少見少，仲有得飲呢d特式野真係要好好珍惜。