聰嫂星級甜品 (已結業)

夜晚食完飯睇完戲十一點去到等位，人又多又落大雨，不過都冇減我地要食榴槤既慾望。榴槤水晶珠 - 每次黎親都必食Item，當想食榴槤但知道又冇人會同你Share整個榴槤既時候，就必定會黎聽嫂食佢既榴槤水晶珠，啖啖榴槤肉加上小小沙冰，又唔會太甜，好似食緊榴槤本身發出既甜味一樣，加上彈牙既水晶珠，簡直就係絕配。榴槤黑糯米 - 黑糯米煙煙韌韌，好有嚼口，甜度剛剛好。龍眼椰果冰 - 大大粒椰果好吸引，龍眼冰非常清甜，每一啖都好似食緊龍眼肉，加上沙冰中和左龍眼本身既清甜，食幾多都冇甜膩感覺。