芋圓一 (已結業)

今日嚟咗奧運站附近，經過一間自家手工制芋圓店，女朋友話想食，見有啲肚餓就坐低試吓。今次有驚喜！我哋叫咗個梳乎厘班戟、仙草芋圓同埋一杯黑糖厚奶珍珠。後尾發現有個期間限定愛文芒果甘露芋圓，不嬲鍾意食楊枝甘露嘅我，見到梗係要一試。芒果好出。好食過楊枝甘露，估唔到台灣嘅芒果同芋圓係咁夾。芋圓口感真係唔同，一定係自家製作關係，仲幾好味！個梳乎厘班戟仲正，不過食要提早落單，因為要等20-30分鐘，即叫即做。我哋一邊食住芋圓一邊等，所以覺得唔係等左好耐。見到個班戟黎嘅時候浪下浪下，就知道好鬆軟，味道仲好好味添，加埋個雪糕簡直絕配。個虎紋厚奶珍珠唔太甜，味道唔錯！適合我依啲唔係好食甜嘅人。下次我哋一定再返嚟，難得搵到間食過會回頭。