稻埕飯店 (K11購物藝術館) (已結業)

二人限聚令解封即刻要約2⃣️位知己食個晚飯。今日揀咗食台灣菜，呢度環境優美，座位舒適，我哋可以傾計傾耐啲。呢間餐廳都好智能化㗎，佢哋唔單止用手機點餐，仲有AI送餐車。我哋點咗5⃣️個餸啊！因為呢度啲餸每碟嘅份量都唔係好大。.我不是鴨肉（獅頭鵝）例牌$98，肉質靭咗少少，份量又太少⋯⋯古早味三杯鮮雞$82，味道無驚喜，雞件又細又瘦⋯⋯石鍋三蝦泡台梗飯$82，豬肉碎多過蝦，好重味精⋯⋯花彫藥膳醉雞捲$62反而令人回味，有藥材味，酒嘅苦澀味亦唔太重，恰到好處。胡椒蔥肉包$38嘅味道亦不錯，麵包皮算薄，豬肉唔肥又有肉汁。每人嗌咗杯米水，我呢杯係紅棗杞子桂圓米水，依家時興嘅養生茶，值得一試。整體嚟講，呢間餐廳都係食環境。