Sky726

营业中

休息中

位于旺角中心既一间 sky726，无论位置，环境，食物质素都非常之好，值得推介。 由于楼层有25楼之高，可以远眺旺角开扬景观，高楼大厦美景， 尽显眼帘，甚有情调。 餐厅漂亮嘅装修布置，令到餐厅内在环境别树一格之余 又不失情调，完全适合情侣拍拖用餐。 当然一大班朋友食完嘢嚟饮酒吹水，亦不失为一个好地方，不过就欣赏唔到呢度嘅美食啦。 依度除左欣赏嘅装修布置之外，食物质素亦值得赞赏。 凯撒沙律卖相好靓，沙律菜好新鲜，全部都系青绿色。口感好脆口，再加上芝士薄脆，芝士粉，烟肉等等嘅配料同埋酱汁，令人食到停唔到口。 小食蓝青口配薯条。薯条炸得好香脆， 好明显系新薯炸出嚟 。盐既份量落得适宜， 令到口感味道得宜。 蓝青口都好有鲜味，有嚼劲，青口有大有细， 分量颇多。 prime肉眼牛扒好大块，烤得好靓。五成熟牛扒，熟到恰宜，切落去淋身，又唔会太生。牛扒有烤蕉味， 又有浓郁嘅牛味， 真系值得一赞㗎。啲配料翠玉瓜都烧烤好好食，薯蓉好嫩滑 好软熟，散出牛油香。 蚬肉天使面 做得好惹味，天使面好幼身， 食落冇意粉咁有质感。个汁有蒜香味，好正。蚬肉熟度刚好唔会韧， 而且算几大只，分量亦够多。 朱古力心太软配云