牛涮鍋

营业中

休息中

星期日晚去，到拎左飛都要等一個鐘左右先有位。入到去行行下個地下好滑，之後坐低左，叫左辛豬骨湯同豬骨湯底，就打算出去拎野食啦。一行出去，發現原來成個area都好滑，成日好似就黎要跌甘好驚，唔敢成日走出去拎野食同野飲。 個湯底上左之後發現個煲成日都得一邊會滾，另一邊長期都唔滾，同之前試既一樣，未有改善。叫左個Level 4既國產和牛90分鐘放題，因為係會員有coupon，有一客海鮮set送，啲海鮮都幾新鮮，有蝦、扇貝、青口、蠔、花甲同墨魚，全部兩隻，唔錯。不過啲牛肉就一般啦，可能我地叫既唔係最靚個隻，但每碟牛都唔同，我地前後叫左三碟，其中一碟唔係好新鮮，而整體上牛比較大塊，肉質一般，可能下次我會再叫高一個level試多次。