更多
2023-09-20
953 浏览
由楼下个接待员到楼上全层的侍应嘅服务都好差。入门口话左俾个接待员知book左枱,佢就叫我上楼,上到去根本无人带位,我再问侍应一次我book左枱即系边张系我嘅,佢话唔清楚叫我打俾朋友问下佢哋到左未坐喺边,吓即系餐厅系无record嘅,之后又要问番楼下𠮶个先问到边张枱系我。之后坐低明明最早点左汤底,偏偏嚟哂成枱嘅嘢就系无汤底,原来根本无帮我哋落单。落左野饮,又系唔催唔嚟。最不满都系冷气唔凉,打边炉地方一定热,佢够胆个冷气唔凉!厕所啲冷气仲凉过出面。野食系ok的,个羊肉串烧同和牛串烧好野味,打边炉啲牛小排同黑毛猪都好新鲜。
张贴