燒肉牛蔵 (已結業)

為左慶祝父親節，成家人去左食呢間牛放題。先講食物，本人唔好牛，但都覺得幾好味，有幾個唔同部位俾你叫黎食！埋到位，先上隻牛船、豬肉、刺身、同海鮮拼盤。先講肉類，d 肉都唔錯，好有肉味。至於刺身就選擇較少，但味道都不錯，有頭甜蝦最為好味，但個海鮮拼盤就差d 了。貝殻類有幾隻燒完唔會自動開殻，蟹腳都麻麻。除左燒肉，都仲有d 前菜、天婦羅、飯俾你揀，但唔多choices ，食物叫做普普通通。飲品櫃最令人滿意，有好多酒同飲品俾你揀.甜品係movenpick 雪糕最好，仲有其他雪條、小蛋糕。食物可以，但服務就有待改善了，無人收垃圾，要自己拎去俾佢d staff! 要經常追單，encore 左甜蝦、帶子。要親身去追先有，問d staff ，佢話要見到我地食哂d 刺身先會再上，問題係我凈係想食蝦同帶子，而唔係佢送上黎果d 乜魚物魚！我果兩樣一早食哂！成件事係食餐飯要不斷行黎行去交垃圾，追單，問佢拎醬汁，我俾既係498 唔係298.....都係食番其他日式放題好過！