大滿喜日本料理 (已結業)

訂呢間餐廳之前, 見過食評話服務唔OK, 當時我諗可能個別事件吧。當日我book咗5位, 佢哋畀咗6人枱我, 後來我哋朋友有少少誤會, 只有4位, 但餐廳認為我哋浪費咗佢一張2人枱, 堅持收我哋5位費用。當時我哋話你可以放畀walk-in嘅人丫, 而且餐廳唔係分時段, 只係入座計2小時。當然係我哋理虧, 但我覺得你為咗唔浪費一張二人枱而要我哋去畀錢, 你收咗2百幾蚊, 但我哋亦保證不再光顧, 真的值得嗎?我哋book 6:30, 食兩小時, 但侍應通知我哋30分鐘前last order, 態度認真唔好。我明白嗰日係星期五, 全場爆滿, 但我食過咁多間放題, 每一間都爆滿, 都很忙, 唯獨呢間嘅態度差得令我不得不分享。即使食物再好, 服務太差, 不會再有下次。