板長壽司 (新安大樓) (已結業)

因為食完先發生件好唔開心既事，所以冇影到啲食物相。男朋友趕時間所以佢快手落單先，我先再慢慢撿自己要食既，再落多次單。食得七七八八，我地都以為仲有我既一件火炙芝士三文魚壽司未上，男朋友於是埋咗單走先。我一路食一路等，等幾都唔來，咪同店員講咯。點知店員一口咬定佢地已經上咗，仲叫來經理。經理話：“你食完先講，好難講喔～”喂，壽司一件件上，唔通我一路唔食等到上完check 過單先至食得？我一個女仔，至於呃妳一件十蚊壽司搞到自己梗樣衰？最後我都冇辦法，話算啦，摞咗單走人。順便一提，海膽軍艦，海膽完全唔係金黃色或者橙黃色，而係棕黃色好似豉油浸過甘樣，但係又試唔出豉油味。第一次係板長食海膽，唔知係咪正常現象。不過鵝肝就肥厚味美，印象最深，仲大過之前好多。可惜都係冇影到。