金芝龍日韓美食外賣站 (已結業)

金芝龍主要賣日韓小食，例如烏冬，丼飯，韓式年糕等，仲有非常多街頭小食炸物，明顯走年青人路線。早前路經，由於啱啱食咗飯，所以只係買咗份特濃芝士魚金磚，即叫即製嘅金磚非常熱辣辣，店主溫馨提示要小心食，仲好窩心咁遞咗張紙巾畀我🤗。拎住個食物袋，我第一個感覺就係好揼本：只不過係幾粒小食，居然用個外面係紙入面係膠嘅密實袋入住，袋口仲要封實，要撕開頂部才可打開，從而減少炸物嘅氧化速度，保持新鮮香脆。可見店主係個有要求嘅人。咬一口金磚，最先彈出嘅係芝士味，非常濃郁，最啱我呢啲芝士愛好者；金磚爽口彈牙，啖啖魚蛋鮮味，好好食👍，不過稍為偏鹹，食完四粒，又要去買嘢飲啦😂。