巴西燒烤餐廳 (已結業)

--燒烤食品由其牛肉及豬脾肉，真係好好味，牛肉七成熟，吾會干身，而且好入味，完全吾會有'查'，正。除佐燒烤食物，仲有冷熱盤都很好味，生蠔﹑魚生都有，魚生仲好新鮮，甜品都有很多種。雖然要加16蚊先至飲品，但都有寧蜜﹑薑蜜﹑各種汽水﹑橙汁，相當不俗。連雪糕都有好多種，100蚊自助餐，有如此陣容，夫復何求!--員工服務一流，主動幫你換碟，見你杯飲品就快飲晒，主動幫你添飲，見你吾用叉就問「係咪跌佐叉，我俾另一支你丫」，好細心，值得讚。串燒仕應，絕對吾會吝嗇，不斷推介好味的串燒給你，而且，你要幾大就俾幾大件你，要細細件試下都得，好好人。彈結他的外國人，逐張台去彈，佢地好好玩，如果你聊佢地，佢地會好樂意俾你聊，好鬼馬;如果你吾理佢地，佢又會好識做，吾打擾你。--環境，坐得好舒服，初時驚住尖沙咀平價自助餐，一定勁多人，實要搶食，點知，食物不斷咁出，串燒又係逐張台分，所以客人吾駛搶，吾駛走黎走去拎野食，坐得好舒服，吾會有人大叫「有新野出啦」，然後就在餐廳內狂奔。--6:30-9:30，任食兩小時，98一位，另加16任飲果汁汽水。9:30--，56一位，同樣加16果汁汽水。