影片
更多
2017-03-30
286 浏览
有一次吃早餐, 叫了個吉列魚柳早餐, 老闆娘很有禮貌同我講, 佢地係即叫即炸的, 要等耐一點. 開頭仲半信半疑 - $31蚊份早餐, 包凍飲/超厚多士/兩件滑蛋, 魚柳仲要即炸??? 但來了之後, 便完全相信是即炸的了, 超大塊, 外脆內軟; 還有杯奶茶, 茶奶配合得宜, 茶又夠濃, 絕對起到化學作用. 平民茶記, 食到"Land Mark"的質素! 值得推薦的是:早餐: 沙爹牛麵, 扭扭粉, 吉列魚柳/豬扒, 多士午餐: 自已試啦, 反正佢地很少重複...全日: 咖喱, 鐡板(必試! 真係嘩嘩聲), 羅宋湯扭扭粉, 漢堡扒下午茶: 流心芝士豬扒, 芝士牛肉蛋包, 雜果沙律, 雞脾/雞翼, 星州炒米, 焗水牛芝士豬扒飯, 黑椒牛柳絲意粉飲品: 奶茶, 檸茶, 茶底新鮮, 夠濃, 茶奶比例得宜我平時很少在同一間餐廳試敢多野, 但係度絕對值得一試再試
值得推薦的是:
早餐: 沙爹牛麵, 扭扭粉, 吉列魚柳/豬扒, 多士
午餐: 自已試啦, 反正佢地很少重複...
全日: 咖喱, 鐡板(必試! 真係嘩嘩聲), 羅宋湯扭扭粉, 漢堡扒
下午茶: 流心芝士豬扒, 芝士牛肉蛋包, 雜果沙律, 雞脾/雞翼, 星州炒米, 焗水牛芝士豬扒飯, 黑椒牛柳絲意粉
飲品: 奶茶, 檸茶, 茶底新鮮, 夠濃, 茶奶比例得宜
我平時很少在同一間餐廳試敢多野, 但係度絕對值得一試再試
题外话/补充资料：
看見了兩篇報導後, 突然有感而發, 想說說一些自己察覺出來的事情, 及糾正一些錯誤...
佢地新開張左兩/三個月左右. 那個變臉國寶級老女人不是老闆娘, 只是個打工的, 但只是做了很久, 是三朝元老果隻, 勁! 之前扒皇館個老闆, 係好大隻果個廚師, 現在果個老闆係高高地, 又幾斯文靚仔既. 地方也比以前光猛, 乾淨. 這點是火炭人也知道的.
但我比較欣賞佢個老闆娘, 接手鋪頭, 連老員工也接手埋, 有承擔, 難得! 佢地個新廚房班底, 好像係來自某出名大酒樓的主廚. 我比較喜歡佢地用心用力用意, 去營運間餐廳 -- 特別是除了提供特別多的常規選擇外, 還肯每天轉換午餐餐牌, 仲有五個之多, 差不多係即叫即造的, 出來時熱呼呼的, 好好味, 價錢又超值. 一句講晒: 價性比及質素極高. 自問試過火炭區過百間大小餐廳, 但這間絕對是值得推薦的!
好似下面大文豪講的, 佢個老闆娘同班廚師, 真係好有heart, 成日試整新野出來, 然後找食客俾意見. 淨係呢份誠意, 就值得支持. 記住, 呢度係火炭喎, 舊式工廠區喎! 難得, 難得!
(以上食记乃用户个人意见 , 并不代表OpenRice之观点。)
张贴