南대門

营业中

休息中

星期五晚，冇心水咁咁啱經過就衝咗入去，餐廳得一半人。叫咗韓燒大雜錦套餐，一嚟到放低晒啲肉就走，完全冇人幫手處理同介紹點樣煮。我哋真心唔識邊隻牛應該點樣燒，放咗塊牛肉，我哋燒到黐晒底，問咗幾次先知道應該未熟哂唔可以反面，諗住叫佢幫手處理吓，個老闆娘態度好麻麻話冇人手，叫我哋自己燒。食材方面，講真真係差過其他，食過尖沙咀好幾間韓燒，肉類質地咁算最差。服務方面，佢有一樽凍水，未食到一半，突然收走咗。叫咗個冷麵，有黃芥辣醬，未食完又收走咗，完全冇問過。綜合嚟講，食物同服務態度都唔係咁得。成日都想幫襯吓啲小店，但係某些小店真係令人失望 。張單仲要唔平，兩個人食咗1200。