紅蜻蜓

這裡的環境、食物質素都跟一般茶餐廳分別不大，就是「好又一餐 唔好又一餐」的水準。

Lunch叫了幾碟炒嘢，都是偏向濃味同油膩，未至於難食，但附近比佢好食的有大把選擇。

不過，侍應態度就差得不得了。落order時，叫我哋不要指住餐牌來點餐，話會睇唔清楚，但成張飲品餐牌得6大格，指住點會睇唔清? 然後講啦，又話聽唔清楚，指住自己張手抄單畀我哋睇但又唔出聲，唔知邊個啱啱先話指住睇唔清楚?
然後終於漏飲品啦，但補返後竟然在帳單加錢! 我哋埋單時問啦，又唔改單，叫我哋畀返正確價錢就算；然後我哋畀完，佢又一直對，對完又對，對完又對，對完又對。都唔知對乜，又係你唔肯改單，但自己對時又一臉懷疑。
又其實，茶餐廳午市都加一? 仲要係咁既服務態度?!