殤城逆流 (已結業)

上環💛西餐，特色裝修，玩味菜式名🤫☔️，食物唔錯，日頭嚟透光度十足。法式香煎豬鞍配薯蓉 $238呢度嘅薯條薯蓉係可以任添😍超誇張。豬鞍超厚超大件，上枱時大到嚇親我同隔離枱😂豬鞍熱辣辣，結實而juicy, 香草調味入到中心，唔錯。傲慢與偏見 $52個名好得意，原來係mocha加鹽同nutella😚我都幾鍾意甜飲品有鹹味，因味道更加中和，更加吊出烤香同豆香味😍。英式伯爵奶茶 $58以為係一杯沖好嘅奶茶，點知有heat住嘅大透明茶壺打卡，茶好香淳，加埋自己落嘅凍奶，溫度剛可以入口，造型超有驚喜🥰殤城逆流招牌蛋糕 $58嗰日嘅款係檸檬芝士蛋糕🍋酸甜嘅味道好醒神，質感軟而實，我好鍾意。