古今

营业中

休息中

今晚肥妹仔去咗雅蘭中心度食日本菜，前菜叫咗個日式麻婆豆腐沙律，豆腐好大塊，加埋麻醬好清新，仲有中華沙律，菜好新鮮。唔係好肚餓關係，我哋另外再叫咗牛舌串燒，牛舌好爽口彈牙，配上鹽蔥醬，好好食。黑豚豬頸肉，豬肉好爽口彈牙。牛油帆立貝，個帆立貝嘅裙邊燒到好似食緊薯片咁脆卜卜，好好食。另外再叫咗個黑豚荔枝卷，黑豚肉包住荔枝，食落去甜甜地，好特別。主食方便就叫咗個金龍卷同埋火山。呢個係金龍卷係炸蝦卷上邊再舖上隻燒過嘅三文魚，而佢嘅火山就係上面堆滿咗沙律醬蟹柳絲，下邊就係牛油果青瓜卷。我覺得呢個唔係食味道，而係識佢嘅gimmick 。店員上菜時會用酒精燒一燒，好靚。總括嚟講呢一間肥妹仔覺得係好適合同朋友輕食，而且個用餐環境好舒服，推介。