金陵會潮宮

营业中

休息中

訂了12人貴賓房，問阿姐點解點唔到歌，佢話要掃碼。我地話掃左，佢話咁唔知喎！起菜又成日唔同位，唱左兩首歌居然叫我朋友細聲啲（真心唔大聲，仲唱得幾好聽），好無奈。問佢罐可樂係枝裝定罐裝，就串77咁答「一罐倒一杯囉，個罐仲喺出面，駛唔駛拎入黎俾你睇？！」換碟就將隻碟放喺個客部電話上面！食物方面，頭盤係帶子，帶子好薄身，仲要「拿」過，一放入口就俾陣味嚇親。個鹵水拼盤唔入味，表面有一層「死咸味」，但裡面冇味。嗰炸蠔入面勁韌，外面唔鬆唔脆，漿糊咁既炸粉。個龍蝦錯晒！出面有陣咸味，入面就炸到乜野鮮味都冇晒，失敗至極！一致認為最好食係前菜咸酸菜。唔識煮就唔好煮，要煮就要對得住啲食物囉。