KATANA by SAKEH (已結業)

帶女朋友行街肚餓就搵到呢間、大約行10分鐘就到，呢間睇落唔錯既日系串燒，本身都睇左佢的食物選擇幾多野擇，我地一致都同意食呢間，順便可以試下🤪呢度環境好舒服，暗暗地好浪漫💓 南非鮑魚枱第一眼望係相當吸引、好大舊阿，食第一啖，醬汁經過咀裡，滑過味蕾，混合新鮮鮑魚肉散發出好夾既味道，味道啱啱好，輕量帶咸而有海鮮質感，無擇錯！非常好食💓 芥末燒牛小排新鮮熱辣辣勁香燒烤味，加上輕輕帶過牛肉飄香，味覺已經夠滿足，Wasabi配合牛小排，剛好可以提升牛排既味道，少少辣感增加味覺刺激，高質！ 💓 紫菜芝士年糕一向都好鍾意食年糕，呢個加埋紫菜，真係好特別，一口咬之後，成個口都醞釀芝士醬，証明芝士量好滿足，另外香濃芝士味道加埋紫菜混合兩種口味，配合得天衣無縫，又係高質💓 免治牛肉棒好香燒烤味，口感鬆軟，好有肉感，平時好少可食到呢種免治牛肉係燒，真係好好食，值得再返食最後總結：環境整潔度好乾淨！食物份量好滿足！價錢合理！食物質素💓💓💓💓💓服務態度💓💓💓💓💓環境整潔💓💓💓💓💓