1.漏單亂上菜
因分了兩張檯所以我地分別落單，侍應稱檯號會由他們填寫，但最終落單紙"遺失"~點心亂上及漏單～
2.食物水準
一般酒樓水準，蝦餃燒賣正常～但薑汁糕上檯唔夠熱～精美小菜無驚喜～炒粉麵試唔到，因為漏單無到～
3.服務態度
近年所有侍應們帶著口罩，客人們只看到的只有眼睛，聽到的只有聲音語氣，今日完完全全感受不到他們的"禮貌"~隔住個口罩都feel 到佢地既black face~
點心任叫任食90分鐘時限，第一輪只叫部份點心，30分鐘後叫第二輪，45分鐘last order~
第二輪及last order 係60分鐘時有部份仍未上，故有禮貌地查詢一下，男侍應用煩厭既眼神回覆"再填過落單紙啦～"
點心再上檯時，另一女侍應用不滿的聲音說"你地～又～叫既點心到喇～" 甚麼叫任點任食？只是上緊你地漏左單既食物～真心唔是浪費的～我唔覺得身為客人既我地要聽你地俾說話我地聽～
全程到埋單，再到離座時，聽不到一句稍為有禮貌既說話~"thank you" 無～"多謝" 無啦~ 只有聽到馬尾女侍應最後一句嘲諷"動物大遷徙"來歡送我地離開～咁即係當我地係咩？！🤷🏻♀️
總括來說，用兩舊水都可以出去好多靚靚地好企理既酒樓食到好多精美高級點心～唔使係呢樹受氣又食d咁普通既食物～無下次～🙅🏻♀️🙅🏻♀️🙅🏻♀️
