大欖燒烤

餐廳分成三部分，一邊是港式bbq，一邊是有冷氣的串燒及冇冷氣的串燒。 而今次我訂了有冷氣的串燒加流水蝦。餐廳樓底吾高 ，抽氣又唔夠強。 所以一多人開爐就成個場都煙霧瀰漫， 加上又唔夠冷氣，令人覺得好熱。
食物：流水蝦好新鮮好生猛，蝦肉爽口彈牙，蝦頭多膏。 鮑魚又係好新鮮仲識郁。至於肉類就有豬，牛，羊，雞。全部都醃得好入味。至於蔬菜方面：有韭菜，翠玉瓜，金菇，車厘茄。食物選擇都好豐富。
整體價錢偏貴，雖然食物質素高，但餐廳環境尚待改善。