Camellia (已結業)

無寫食評好多年，但今次唔寫唔得。我同朋友因為book唔到其他地方先book呢間，但去完真心唔明點解呢間餐廳會有140幾個好評⋯⋯我哋有book位，入座嗰時侍應有提我哋用餐時間係90分鐘，即係2:30入座食到4點。到3:44我哋已經食完嘢、飲咗大半杯飲品時，有個侍應好大聲咁話我哋用餐時間就到，叫我哋埋咗單先，我哋一埋完單就有另一個侍應立即九秒九收走餐盤。過多幾分鐘3:50又有另一個侍應嚟話book咗4點嘅客人好快就到，提我哋得返大約十分鐘。當時其實我已經爭一啖飲完杯嘢，朋友果杯爭幾啖。我好不滿同侍應講我哋已經準備走，唔需要再催。個侍應就好差態度地話唔係催我哋，係提我哋。下⋯乜我哋有需要犧牲自己原本有嘅用餐時間協助餐廳準時招待下一round客人？趕做生意就唔好講到用餐時間有個半鐘，跟住未夠鐘又起勢咁催。真心好惡劣。仲未計啲嘢食每款都極麻麻。我哋叫會員價$688果份pandora’s box afternoon tea set。我連點評都唔知，因為無一款深刻、無一款好食。果兩款雲卷嘅味道連大集團餅店嘅瑞士卷都比唔上。我同朋友都話咁嘅下午茶只能用「難食」形容。埋單約$750，絕對唔會再有下次。