慢煮兩餐

呢度做緊試業，午餐有不同選擇，我與友人叫咗兩個set lunch ，加一份粉絲紹菜。

每個set $72，加$12有個菜，係中環嚟講，價錢ok啦，仲有杯甘甘甜甜嘅菊花茶，本來感覺良好，點知……

落單後聽都後面嗰枱客漏咗單，心想: 可能新開，中午時段忙，有啲亂。

到我個餐來到，但個紹菜未上，就問店員，店員亦有回覆話個紹菜會分開上。

好，分開上係無問題嘅，等你!

等我已經食到一半，見到counter出兩份紹菜，諗住就嚟有得食之際，店員將兩份菜送去另外一張枱。

好，可能人家都有叫，再等!

點知，隔咗大概兩分鐘，店員可能發現碟菜落錯枱，竟然將原先已比咗後面枱碟菜拎過嚟比我! (我： 🤤🤤🤤 眼凸+呆咗)

本身落過枱嘅食物，就唔應該再攞比其他客!

當我拒絕要時，店員仲要話另外枱客未食架喎!

仲要，過多幾分鐘後，店員再補多句，話我根本無叫過! (我： 再一次🤤🤤🤤 眼凸+呆咗)

其實食物係ok嘅，但店員有待加強訓練 (或直頭應該換咗佢)。