英皇紅酒扒房 (已結業)

成日搭車都經過英皇道呢一間餐廳，看似幾有外國風情，所以一直想試。其實食物唔算差質素，但係服務真係差。上湯同埋上嘢食嘅時候又唔問吓邊位客人食啲乜，基本嘅功夫完全冇做。都唔緊要好小事，我可以自己來。但係店員聲稱牛扒賣晒，想揀德國豬手又賣哂，咁我咪揀意粉囉！點知食食吓意粉又見到隔離枱有得食，果下真係好嬲。店員話係牛柳，但係點睇都係牛肉眼。講番啲食物，忌廉南瓜湯但冇乜忌廉，味道尚算可以，都係濃嘅而且有啲肉。多士幾脆口。黑松露雜菌意粉有一陣好奇怪嘅奶味，唔知點解。又未去到難食嘅，普普通通咁囉。但係成一舊水都唔係平。冇下次。