Noc Noc

营业中

休息中

放咗工之後老公突然話好想食鹹豬手，所以一於試吓一間新餐廳，位於大埔，兩個人坐嘅座位好寬鬆，絕對唔會同隔離枱好迫好近，擁有自己嘅私人空間。夜晚黑氣氛一流，適合兩個人靜靜地傾吓計，喺場內仲見到有家庭聚餐。好適合一大班人嚟開party。你見到呢度嘅happyhour時段飲品好平,都好抵。我因為我哋去到時間啱啱好過左少少，留返下次先嚟試吓佢嘅happy hour!唯有下次先同老公飲番杯。終於食到佢呢度嘅鹹豬手，好香好脆，而且好細心，餐廳會幫客人切到一條條，切得好均勻，每一條都有脆皮同肉，這份量比我地想像中多好多。之後我哋叫咗一個黑松露雜菌天使麵,$118一客。我超級鍾情於天使麵，因為天使面比意粉幼細，每一條麵都可以沾滿左醬汁，特別美味。分量足夠兩個人食，而且餐廳落黑松露的份量也毫不吝嗇。呢一個菜下次都會再encore。 最後我老公好開心因為食到了好滿意嘅鹹豬手。