稻香超級漁港 (朗屏商場)

营业中

休息中

一行19人去朗屏稻香食晚飯，book左兩圍枱，每圍點了一個套餐，一圍2000蚊，包酒水茶錢。D餸好大份，有燒乳豬、蒸魚、炸蝦球、炒飯、白菜仔、豉油雞、蜜糖豆花枝片、海鮮羹，但最令人驚喜的係個龍蝦伊麵，真係俾左大大隻龍蝦，唔似出面好多都係俾蝦球。條魚味道新鮮，口感好滑，唔多骨。炒飯就一般，乳豬同蜜糖豆花枝都不錯。因為份量太多，我地食唔曬，要打包返去～最後估唔到仲有餅乾同蝴蝶酥食😋D餅好鬆脆，唔太甜，幾好食。