嘉蘭娜餐廳 (已結業)

招呼自己o既侍應基本上都有禮﹐經理就cool少少﹐冇乜親切笑容。餐前麵包有提子甜包同法包片﹐hmm﹐熱o架﹐其實麵包一熱﹐都幾難唔好食﹐就破戒食番個。前菜沙律幾新鮮呀。主菜今日要o左佢個羊架﹐唔敢食太生﹐就7成左右。切落就知道佢控制個生熟度剛好﹗唔韌唔實﹐但唔會血水直流﹐食落....嗯﹐滿意﹗夠嫩又有味﹐點埋芥辣同mint jelly一齊食﹐咋一聲已經食完兩舊。佢個甜品有o的似berry mousse cake之類﹐甜度適中﹐mousse幾滑﹐下層蛋糕都鬆軟﹐食多兩塊可能都唔會覺得"漏"﹐幾好呀。最後要o左熱咖啡﹐杯咖啡佢已經預留o左好多位俾我落creme﹐而佢o的creme都係煮熱o左o架。不過估唔到落晒creme都仲覺得好濃﹐可惜就好似唔夠香滑。呢餐飯都有扣o左分o既﹐主要都係座位太迫夾﹐二人檯如果真係兩個人坐會覺得擠迫﹐同前面間towngas一樣。另外其實如果以佢o既格局﹐雖則唔係好高檔o既餐廳﹐但如果唔用個別包裝牛油﹐而用別致器皿盛載新鮮牛油﹐同埋用銀器或瓷器之類載o的糖﹐感覺會更切合。某o的牆紙開始剝落﹐白色座椅有的已變色或被染色﹐可以考慮翻新o下喇。