鳴越 Pho (已結業)

呢間餐廳第一次幫襯，一入去嘅時候個收銀阿姐叫我哋坐卡位（2人），之後叫我哋坐埋一邊，中間擺咗塊「隔板」？ 話可能有人搭枱⋯ 我都明位置對於餐廳經營係好重要，但係而家疫情，都唔係擺塊咁嘅嘢叫做隔咗吧，我相信就算其他陌生人坐低，都會覺得好唔衛生，所以一入嚟就對呢間餐廳印象好差。見到有其他人都有講呢個情況，希望餐廳關注一下！但都公平咁講，食物方面，喺中環呢個價錢來講算係都平，個檬粉好爽口，湯底唔會死咸，而且幾好食！ 分量足夠，杯奶茶都唔錯！