更多
2021-03-24
396 浏览
呢间餐厅之前食过观塘分店觉得唔错，今次就嚟食油麻地分店，估唔到食物质素差咁远！ 一早喺OpenRice订咗位，去到准时入座，叫完嘢食之后第一碟上菜系生虾！我哋3个人每人食一只都觉得非常之唔新鲜，虾好「梅」，「梅」到林patpat, 感觉就好似解冻咗好耐唔新鲜嘅生虾，之后同店员反映，话觉得唔太新鲜，我哋都系唔要。店员唔觉得有咩问题，仲坚持觉得啲生虾冇问题。我哋话因为生嘅唔新鲜怕会食咗唔舒服，成碟俾返佢，叫佢可以自己试吓。因为始终疫情问题，晚市恢复冇耐，好多餐厅都会有较多存货，而有机会令到食物新鲜度有所影响，同埋食落口感我哋每一个都觉得有问题！喺整个过程之中我哋从来冇谂过要退钱或者叫佢拎过碟新嘅出嚟。因为我哋真正想话俾佢知系食物问题！之后另一个店员声称自己试咗觉得冇问题，咁我哋亦都冇再同佢讨论。佢哋话其他客人食咗都冇问题。 成餐饭我哋都叫咗好多食物，其他食物我哋完全冇话有问题，好唔好食另计。但系生虾真系有问题！到埋单我哋一样系照俾埋生虾个钱，佢亦都照计我地。其实冇问题，我哋绝对系认为食物质素有问题而反映，如果唔系都唔会成碟冇食俾返佢，但系餐厅嘅回应实在令人失望！ 以后都唔会去！以下系我哋叫
呢间餐厅之前食过观塘分店觉得唔错，今次就嚟食油麻地分店，估唔到食物质素差咁远！ 一早喺OpenRice订咗位，去到准时入座，叫完嘢食之后第一碟上菜系生虾！我哋3个人每人食一只都觉得非常之唔新鲜，虾好「梅」，「梅」到林patpat, 感觉就好似解冻咗好耐唔新鲜嘅生虾，之后同店员反映，话觉得唔太新鲜，我哋都系唔要。
店员唔觉得有咩问题，仲坚持觉得啲生虾冇问题。我哋话因为生嘅唔新鲜怕会食咗唔舒服，成碟俾返佢，叫佢可以自己试吓。因为始终疫情问题，晚市恢复冇耐，好多餐厅都会有较多存货，而有机会令到食物新鲜度有所影响，同埋食落口感我哋每一个都觉得有问题！
喺整个过程之中我哋从来冇谂过要退钱或者叫佢拎过碟新嘅出嚟。因为我哋真正想话俾佢知系食物问题！之后另一个店员声称自己试咗觉得冇问题，咁我哋亦都冇再同佢讨论。佢哋话其他客人食咗都冇问题。
成餐饭我哋都叫咗好多食物，其他食物我哋完全冇话有问题，好唔好食另计。但系生虾真系有问题！
到埋单我哋一样系照俾埋生虾个钱，佢亦都照计我地。其实冇问题，我哋绝对系认为食物质素有问题而反映，如果唔系都唔会成碟冇食俾返佢，但系餐厅嘅回应实在令人失望！ 以后都唔会去！
以下系我哋叫咗嘅食物！
生虾刺身10只$98
虾饼3件$58
咖哩花甲煲$108
蒜蓉包叫咖喱+$30
薄饼$48
菠萝炒饭$128
马拉盏炒芥兰$68
椰青2个$46@
龙眼冰
张贴