Hugo Le Resto Grill (已結業)

餐廳係新開張既，用apps 訂枱有半價。坐低先知原來得指定一個餐牌有半價，Signature Dinner Menu係正價。我想食Signature Dinner Menu個鱈魚扒。咁啱有個朋友唔係太肚餓，呢個套餐包salad bar同任飲龍蝦湯，佢可以食salad同飲湯，所以就叫左呢個餐。Salad bar有生菜、西蘭花、椰菜花另外仲有車厘茄、菠蘿、桃等等龍蝦湯唔夠熱，又冇乜龍蝦味鱈魚扒好薄好細塊，唔抵，不過煎得幾香脆既。鱈魚下面應該係岩鹽，擺塊魚係上面搞到好咸，而且賣相又唔係靚。個餐跟埋薯條另外仲叫左個Carbonara。普遍西餐廳都有Carbonara，食過好多間都好食，但佢呢個好一般，汁又唔夠味道又一般。環境方面，坐得都舒服既，但服務方面一般，有位女侍應好似唔想服務客人咁既態度。