Thai Basil (已搬遷) 新店位置

今日去pacific place睇戲前食個飯先。戲院樓下有幾間餐廳，望完一輪就揀左食泰國野啦。餐廳裝潢都幾靚，無諗過入到去環境嘈到同去大排檔無分別，同坐對面既朋友講野都要好俾心機先聽到。我地叫左半份軟殼蟹米紙卷，蝦餅，金邊粉同埋喇沙。一碟有三件米紙卷食落好清新，入面卷住半隻軟殼蟹。軟殼蟹炸得都幾脆，但黎到有少少凍左，好似唔係即刻上碟咁。清新感來自於個醬汁，另外可以再點蛋黃醬。蝦餅就真係炸到熱辣辣，脆卜卜，食完好似會熱氣到生痱滋。蝦餅入面無炸到乾哂，仲封住左啲汁喺入面。如果個醬係泰式辣醬就好啦。金邊粉炒得幾乾身，味道偏淡，配料就好多，覺得一般啦。我地等碗喇沙等得最耐，餐飯都食完都未黎。海鮮方面有蝦有魷魚等，個湯底唔夠濃，都係一般啦。本身食泰國野都想飲返杯Thai ice tea，但竟然無，有少少失望。