更多
2021-04-28
279 浏览
閨家第二次在下午茶時段幫襯,本想被開繁忙時段,但是仍然排左30分鐘。排隊期間見到兩三張四人枱都係俾一個客佔用了。即係三個人就浪費了十二個坐位,所以輪候時間就因此而增加了。點了鹹魚肉餅豬扒飯和燉湯,肉餅係鹹,但唔係鹹魚嗰種鮮,今天豬扒和肉餅都好乾身,無乜肉汁,豬扒可能未有切底解凍,醃得唔夠入味,味道不及第一次時做得好。燉湯是海底椰栗子煲豬展,飲完發覺兩次唔同嘅湯都係同一種味,係甜味,湯料唔見栗子和豬展,但就唔知點解有四五舊紅蘿蔔囉😏途中隔離第二輪翻枱時,仍然有兩個客分別佔用兩張四人枱,外面仍然大排長龍。其實是否可以彈性少少安排入座位置。例如預早詢問排隊的客人幾多位,如兩位單人可安排坐在一張四人枱。客人流轉會快啲,又唔使等咁耐。昨天他們已經因人手不足而休息一日,明白的,不過今天重開,排隊時明顯睇到幾位工作人員都各有各做,收銀就收銀,執枱嘅就執枱,落單就落單,就算有吉枱出左嚟,其他員工唔會馬上清潔或安排客人入坐,好像都係等指定的負責員工去處理咁樣。例如收銀在門口,眼見內有吉枱已預備好了,都唔會主動請客人入坐,反而掉轉係客人等到有少少唔耐煩,再主動問收銀才指客人可以入去。究竟係咩服務態度呀。又
第二次在下午茶時段幫襯,本想被開繁忙時段,但是仍然排左30分鐘。排隊期間見到兩三張四人枱都係俾一個客佔用了。即係三個人就浪費了十二個坐位,所以輪候時間就因此而增加了。
點了鹹魚肉餅豬扒飯和燉湯,肉餅係鹹,但唔係鹹魚嗰種鮮,今天豬扒和肉餅都好乾身,無乜肉汁,豬扒可能未有切底解凍,醃得唔夠入味,味道不及第一次時做得好。
燉湯是海底椰栗子煲豬展,飲完發覺兩次唔同嘅湯都係同一種味,係甜味,湯料唔見栗子和豬展,但就唔知點解有四五舊紅蘿蔔囉😏
途中隔離第二輪翻枱時,仍然有兩個客分別佔用兩張四人枱,外面仍然大排長龍。其實是否可以彈性少少安排入座位置。例如預早詢問排隊的客人幾多位,如兩位單人可安排坐在一張四人枱。客人流轉會快啲,又唔使等咁耐。
昨天他們已經因人手不足而休息一日,明白的,不過今天重開,排隊時明顯睇到幾位工作人員都各有各做,收銀就收銀,執枱嘅就執枱,落單就落單,就算有吉枱出左嚟,其他員工唔會馬上清潔或安排客人入坐,好像都係等指定的負責員工去處理咁樣。例如收銀在門口,眼見內有吉枱已預備好了,都唔會主動請客人入坐,反而掉轉係客人等到有少少唔耐煩,再主動問收銀才指客人可以入去。究竟係咩服務態度呀。
又或者要咁樣安排,先可以製造排長龍嘅話題出來吧。
暫時短期內都唔會再嚟幫襯住了。
鹹魚肉餅豬扒飯
12 浏览
0 赞好
0 留言
3 浏览
0 赞好
0 留言
张贴