QUE (新城市廣場一期)

营业中

休息中

今日同朋友去沙田行街，咁岩經過新城市廣場發現開咗間新餐廳，門口擺放左甜品櫃，吸引咗我地就諗住入去試下啦🤪點知入到去就開始中伏🤦🏻‍♀️企係門口向店員示意2位，店員直接無視我地，亦無上前帶位，而店內有很多空位，我地以為是自己選擇座位，準備入店時俾店員呼喝要係店外等佢地帶位😅我同朋友都嚇親，心諗你心情唔好都吾應該發洩係客人身上呱…之後等多一陣就俾咗座位我地，坐低咗後無menu都無水，舉手都無人幫你🙄直至佢經過我地送餐先順便拎俾我地😐食物方面我地叫咗一個三文魚親子丼及黑松露雜菌意粉🍝，午市套餐連餐飲，我地叫咗兩杯凍檸茶🍋味道中規中矩，不過不失😶原本我地想叫甜品食，不過食佢地既態度都食飽，我同朋友都只想快啲離開呢個餐廳🤦🏻‍♀️到埋單，又係舉幾次手都無人理🤷🏻‍♀️，之後先知原來要岀去埋單，不過都要收加1😅吾知係咪新開所以太多人試，太忙先服務態度咁差，不過我同朋友都決定呢間無下次👎🏻