脆皮燒腩仔︰本人食過最差嘅燒腩仔。皮雖然係脆，但一啲都唔香。而且啲肉過『林』，『林』到好似『梅』咗咁。
薑蔥焗桶蠔煲︰呢道菜好好，而且啲蠔又夠肥美。拍得住金山螻嘅焗蠔咁香。
翡翠炒大斑球︰可以啦！好多酒樓都有，如果連呢道菜都做得唔好的話，相信間舖都近乎執得。
北菰花膠鵝掌煲︰估唔到賣相得次餘，味道都唔錯。雖然冬菇唔算係好香菇味果種，但都可以接受；花膠用的應該係中價貨，都幾好食；鵝掌唔錯，但若果再『林』少少就更好。
清蒸大斑頭腩︰好食。而且帶有陳皮嘅香味。
芝士海生蝦伊麵︰好難食。蝦唔新鮮，而且蝦殼仲『痴』實哂啲肉，蝦肉又『梅梅』地。芝士一啲都唔香，而且個汁勁少，根本冇可以撈得勻所有伊麵。
