瑪麗蓮美國餐廳

由於食晚餐,環境太黑,坐得十分擠迫, 無乜心機影相
總括黎講, 食物真係超班.佰零二佰蚊個晚餐唔貴 扒好食,賣相佳

不過坐得真係十分擠迫, 兩佰呎唔夠既地方夾硬坐十二三個客, 
仲要成餐飯果個疑似老闆娘既女人不斷黎指導你, 督促你食飯,
連杯餐荼放響張枱既邊個位佢都黎話你 :"唔好放呢度,放埋去" 
佢收唔切碟,張枱根本無位擺,唯有疊上隻吉碟度啦, 
老闆娘一見就九秒九走黎話你:"唔好疊埋隻D碟啦 "先至幫你收隻吉碟, 
食到九成都未食完就隧張單埋黎話:"好多人等位, 唔該埋單先",
態度十分趕客

不過有熟客黎,  老闆娘就十分殷勤, 笑面盈盈

如果為美食而黎,可以推介, 不過要預左受氣