影片
更多
2023-07-07
1091 浏览
朋友唔帶我黎，都唔知中信大廈都有美食，係附近返工既我，以後又多一個選擇。係門口已經覺得個環境好舒服，靜靜地咁，由於我地都早入座，暫時未有人流可以任意影下相。個場好大，座位寬敞，裝修都好有格調，仲可以坐室外，室外環境其實都唔錯，但天氣太熱，都係室內嘆下冷氣算😆仲有一個角落見到有些兒童玩具，如果小朋友坐唔定可以分散下佢注意力，照顧到大人既chill同埋小朋友既需求。依到既staff態度好好，留意到我地需要新碗碟會主動幫我地換，又會提醒小心鐵鑊燙手，好親切。Egg Benedict- 好少餐廳會好似依到咁多配搭選擇，我地簡左龍蝦🦞龍蝦肉都唔少，而且肉質結實，加埋芝士好正，水波蛋一切開，蛋黃汁即刻流出來，伴住English Muffin食，係最佳配搭。Skillet pancake（chicken)-pancake一共有4款，我地簡左唯一一款咸食，有雞肉、磨菇、黑松路醬奶油。pancake唔係好空氣感果種，口感實在，我反而鐘意食依種多過好似食空氣落肚，醬汁非常濃郁，將pancake一開四，每一塊都能夠被雞肉同磨菇覆蓋，好足料好滿足。Grilled baby pork ribs、squid fr
係門口已經覺得個環境好舒服，靜靜地咁，由於我地都早入座，暫時未有人流可以任意影下相。個場好大，座位寬敞，裝修都好有格調，仲可以坐室外，室外環境其實都唔錯，但天氣太熱，都係室內嘆下冷氣算😆仲有一個角落見到有些兒童玩具，如果小朋友坐唔定可以分散下佢注意力，照顧到大人既chill同埋小朋友既需求。
依到既staff態度好好，留意到我地需要新碗碟會主動幫我地換，又會提醒小心鐵鑊燙手，好親切。
Egg Benedict- 好少餐廳會好似依到咁多配搭選擇，我地簡左龍蝦🦞龍蝦肉都唔少，而且肉質結實，加埋芝士好正，水波蛋一切開，蛋黃汁即刻流出來，伴住English Muffin食，係最佳配搭。
Skillet pancake（chicken)-pancake一共有4款，我地簡左唯一一款咸食，有雞肉、磨菇、黑松路醬奶油。pancake唔係好空氣感果種，口感實在，我反而鐘意食依種多過好似食空氣落肚，醬汁非常濃郁，將pancake一開四，每一塊都能夠被雞肉同磨菇覆蓋，好足料好滿足。
Grilled baby pork ribs、squid fries-豬肋骨肉質好嫩，好輕易就能將骨同肉分開，份量好多，係出面食，好多時幾乎全部都係骨，但依到食唔洗擔心，啖啖肉，仲要甜甜地好開胃。魷魚炸得酥炸，好香口，即使唔係單點份量都唔少。
Strawberry opera cake-入面有strawberry cream, chocolate ganache, almond dacquoise，一層一層，層次分明，每層都食到唔同滋味，好好食，必點！
Iced Latte Tiramisu-飲落同Baileys coffee好似，可能因為都係有甜酒既成份😆推薦
我覺得依到無論環境、員工、食物都好出色，係值得一試，只不過地點方面未必人人知，希望好既餐廳會俾多d人留意到。
张贴
