影片
更多
2023-12-29
73 浏览
從來未試過去一間叫做高級食府，可以嘈吵到好似大排檔。服務質素又差，食物質素又不成正比。喺OpenRice買咗個「龍躉包翅套宴」$988.-/位-(共5位）另外有3位食散叫。訂枱時已第一時間查詢，可否這樣order有些叫套餐有些散叫，對方話冇問題。因為5位逐位上。首先一去到本人都未坐低已經不斷叫你俾QR code for 食套餐又問你散叫食啲乜，好似好趕時間。當時只係7pm.咁一開始已經和他們講了那5位食套餐，為免放錯位置。第一度菜一上我們以為餐廳弄錯，5位食套餐的前菜全部放在一個碟內。頭盤我都算啦，照食。但我冇諗過俾$988每位計，居然係好似人哋嗌小菜咁樣上菜，佢哋仲聲明自己係高級粵菜館。侍應服務態度又差，之後上其他菜，隨便放喺一個人嘅面前便算數。最離譜係食套餐個五位食完之前一道菜，侍應未收嗰啲碗碟，就將鮑魚鵝掌那度菜，全部放喺個轉盤上就算數。我們要自己放回自己位置。老實講我如果食梗係普通一間茶樓，我願意接受你哋咁嘅服務質素，但係而家我比緊$988一位，咁嘅所謂高級食府真係不知所謂。唔怪得而家香港啲市道咁差，寧願去外地消費都唔想留喺香港。質素差、服務差、價錢貴有邊個想去食？為何會有這麼
喺OpenRice買咗個「龍躉包翅套宴」$988.-/位-(共5位）另外有3位食散叫。
訂枱時已第一時間查詢，可否這樣order有些叫套餐有些散叫，對方話冇問題。因為5位逐位上。
首先一去到本人都未坐低已經不斷叫你俾QR code for 食套餐又問你散叫食啲乜，好似好趕時間。當時只係7pm.
咁一開始已經和他們講了那5位食套餐，為免放錯位置。
第一度菜一上我們以為餐廳弄錯，5位食套餐的前菜全部放在一個碟內。頭盤我都算啦，照食。但我冇諗過俾$988每位計，居然係好似人哋嗌小菜咁樣上菜，佢哋仲聲明自己係高級粵菜館。
侍應服務態度又差，之後上其他菜，隨便放喺一個人嘅面前便算數。
最離譜係食套餐個五位食完之前一道菜，侍應未收嗰啲碗碟，就將鮑魚鵝掌那度菜，全部放喺個轉盤上就算數。我們要自己放回自己位置。
老實講我如果食梗係普通一間茶樓，我願意接受你哋咁嘅服務質素，但係而家我比緊$988一位，咁嘅所謂高級食府真係不知所謂。
唔怪得而家香港啲市道咁差，寧願去外地消費都唔想留喺香港。質素差、服務差、價錢貴有邊個想去食？
為何會有這麼多人讚好，真係匪夷所思🤨唔知我寫完依篇嘢OpenRice會唔會登出嚟？因為佢哋有合作緊。如果OpenRice會登出嚟先係公正，否則都係造假🧐
张贴