江南庭敘 (已結業)

服務滿分食物又好-番茄排骨拼沙嗲鍋($118)司令揀左雙拼湯底，兩款好出色，番茄味都難得地好濃味，唔會好淡口，沙嗲好香濃，淥牛肉一流。-司令作為一個食肉獸，都叫左好多款唔同既肉類。手切肥牛($328)超大碟，塊塊厚切，啖啖都係肉👍🏻。雪花肥牛粒($238)好驚喜，入口好有油香，而且淥好耐都依然好嫩口😍。豬肉拼盤($288)一共有四款豬肉，最正係豬頸肉同豬潤，估唔到豬頸肉打邊爐都幾正🤔。另外仲有叫羊肉片（$108），羊味超濃😱！-其實配料方面唔算好多款，不過全部貴精不貴多，超級推薦雲吞($98)，相對外面來講細隻啲，但係入面嘅餡料超飽滿，蝦既份量佔超多，正啊！