龍廷粵菜廳

营业中

休息中

都係屋企人食過介紹，先知原來呢度有間酒樓，可以海鮮加工。隔離就係出名買餸買海鮮平既街市，買完海鮮過條馬路就係酒樓。可能復活節多人外遊，所以酒樓唔係太多人，都係一圍圍食飯多。買左蟶子，琵琶蝦，星斑，蟹，鮑魚，扇貝..去酒樓加工…見有乳鴿有優惠，都叫左來試試，細隻唔多肉但勝在夠脆。另外，叫左白菜豬肺湯都幾好味。蟶子選左煎米粉托底，米粉煎香代替粉絲，特別好味。炸鮑魚香口，蟹炒得殼都很脆可咬開。其他海鮮都係蒸，蒜蓉粉絲…都不錯👍🏻唯一可惜係星斑未熟，要翻整過，再蒸出來時肉都冇變得太熟。送糖水紅豆沙，不太甜，紅豆煮很林。這裏海鮮加工價錢比著名食海鮮地方平。餐廳位置方便，近西鐵站，而且買海鮮方便，值得推介。