碼頭故事 (已結業)

🔥天氣轉涼，最岩食火鍋😋😋😋。朋友介紹我地去銅鑼灣嘅碼頭故事，話食過幾正。餐廳裝修幾有特色，古色古香。我好鍾意呢度嘅前菜，有瓜子同陳皮花生。陳皮花生真係食唔停口，好好味，陳皮味入曬粒花生。店員話如果鍾意食，仲可以買返屋企👍我哋點咗鴛鴦鍋，一邊麻辣火鍋，一邊蕃茄鍋。麻辣火鍋對我來講好辣，辣到噴火，不過我朋友就好鍾意🤣牛肉拼盤有牛小排，安格斯及牛柳肉，火鍋必備😋我好鍾意食魚，脆骨腩超新鮮，爽脆鮮甜。 廣島蠔粒粒肥美新鮮，蠔味濃郁。✨✨最後叫咗紅糖糍粑，一客有8條，炸得脆卜卜，點黃豆粉同黑糖食，超正嘅甜品。