龍城金記海鮮火鍋

老友生日🎂，好耐冇去九龍城，平時食開東榮，壽星女嗜牛，試下呢間有牛魔塔既，但去到因為得4個人所以冇嗌牛魔塔，反而嗌左一碟手切牛加一碟牛脷，湯底揀左胡椒豬骨

  有牛味，唔係出面安格斯咁肥👍🏻

牛脷爽口，壽星女超讚，我就本身唔好牛脷，試左一嚿都ok既

店家好細心，黑胡椒係用細湯包包住，唔好整到成個湯都係，如果煲煲下驚越煲越辣又可以攞開佢👍🏻

另外叫左豬唔知咩根，唔太記得個名，呢樣係超好食，必食

個人認為最好食呢個

四寶丸都唔錯😁

4款都好味彈牙既👍🏻

桶蠔就正常，係新鮮既，都算大隻👌鱔就一般，比出面食開既淋d,唔知點解

味道一般，食澤鮮明，應該新鮮既，但肉質淋，我扣左分

桶蠔

最正一定要介紹下，無心插柳叫左2個小食，真係不得了，一碟椒鹽九肚魚，一碟炸魚角

魚肉彈牙，炸得通透，送酒、打邊爐都一流😋

炸得通透，夠香夠脆，送酒一流👍🏻👍🏻👍🏻😋😋😋

炸魚皮，響鈴竟然可以叫半碟，咁就有quota 再叫多樣野食！始終交貨黎一般般啦！

正常囉

今日人少一碟菜夠啦，唐蒿竟然滿分

唔知係咪我地好彩，碟唐蒿係完全冇楂，超好味，超嫩👍🏻👍🏻👍🏻👍🏻

本來我地叫壽星女食象拔蚌剌身，店員都有推介，但壽星女話同打邊爐唔夾冇嗌😂😂其實好多人都係咁食，佢話唔夾我地慳返🤣🤣，職員聽到冇唔鐘意不特止，竟然知道我地有人生日，喺我地差唔多食到尾既時候突然熄哂全鋪既燈，跟住支客姐姐攞支咪過黎，音樂響起，伙計攞左一碟插左蠟燭既伊麵（長壽麵）出黎，支客姐姐大唱'恭祝你福壽與天齊.....'我地梗係跟住唱啦！嘩窩心到呢⋯⋯我地同主角都勁surprise亞，估唔到唔叫剌身冇唔like反而仲有野送，我地叫左稻庭烏冬，又有伊麵送，最後仲有每人一粒雪糕糯米池送，你話點唔比夠100分佢丫？佢令我人生第一次寫食評，希望呢間小店生意興隆！

窩心贈送，唔讚唔得👍🏻👍🏻🙏🏼🙏🏼