Rech by Alain Ducasse

雖知香港食到海鮮既高級西餐廳唔多，今次黎到呢間好出名既Rech by Alain Ducasse慶祝生日 ，黎之前我都有睇過d食評見到有人都係話一般/有d失望，確實黎之前沒有太大期望。
一入到去，成個感覺都好海洋feel，同之前既Spoon格調有好大分別，成個裝潢以白色同藍色為主，由吊燈到裝飾、餐具既顏色同設計都好海洋，好似帶到你入左法國南部海邊既一間餐廳咁..

牛油

呢個魚形狀既牛油好吸引，賣相好精緻，真係會唔忍心切開佢哈哈
最後無揀到set dinner因為覺得分開叫可以揀自己中意食既野，兩個人最後揀左兩款前菜兩款主菜同甜品..

帶子(小食)

首先，餐廳送上小食，係半熟既帶子配上酸酸甜甜既醬，有d似泰式檸檬醬，幾開胃同埋好似成晚最好食係呢個..

'club' crab and mango

先講前菜，個人最喜歡呢個'club' crab and mango，蟹肉配埋芒果加上新鮮既菜同d好似nachos既脆脆撈埋一齊食好正..

Wild cod Aioli(鱈魚配香蒜蛋黃醬)

到主菜，我點左呢個Wild cod Aioli(鱈魚配香蒜蛋黃醬)，但係無諗過個蛋黃醬咁酸個味好似有d唔夾，個魚係無咩味但好彩食得出都算好新鮮加番分，其他配料都一般，食唔出好特別，只係令成碟野無甘悶..

總結，Rech既食物係唔錯，但唔係個種令你食完會好滿足好驚喜，全部味道都平平無奇，有d偏酸，煮法個人認為唔係好岩香港人口味。