新南苑私房菜火鍋鷄煲 (海德中心) (已結業)

约左阿爸阿妈食住鸡煲，打住边炉，睇住大电视欣赏奥运会闭幕礼，一大享受，今届香港成绩真系非常好。湾仔站C出口，过马路行去3分钟左右，到海德中心2楼「新南苑私房菜」，服务员态度不错，闲时同阿女玩下，倾计，家的感觉。鸡煲任食有辣度可选， 先食一个小辣， 再叫一个唔辣比小公主。件件都系滑鸡件， 啖啖肉， 香喷喷。配搭脆卜卜油炸鬼。食返罐冰冻可乐，解热气，爽。饮品柜都系任饮架。。韩式饮品，马蹄爽，台湾凤梨乌龙茶等等。。。火锅汤底就拣左比较特式的 花甲蟹窝。。有个南瓜冰蜡笔小生浸温泉咁， 好有心思。有3款海鲜/至尊/牛魔王， 食肉兽家庭就拣左牛魔王餐， 有美国黑毛和牛肉眼， 安格斯牛小排， 美国肥牛。。仲有纽西兰羊肉卷，美国肥牛心片。。。我地仲追加左台湾鸭血（好滑），包心丸（流心弹牙），墨汁墨鱼丸（超级非常咁弹牙，带点软糯添）。。。食完已经劲饱最后每位一小瓶3.6北海道牛乳奶冻， 阿女食埋我个杯。。。仲有独立房间，每人头加20元咋， 增加私人空间感。非常满足的一晚。