唐三樓Cafe (已結業)

嗜吃cheese cake的Monica介紹了唐三樓給我，話係有心之作，話點都試吓啦！上到去見cake的選擇不多，有兩款，明解，小店嘛！點了各一款Cake- New York Cheese Cake & Mango Cheese Cake。先吃Mango，嘩！好香好滑，事關芝士味不太重，不會搶去芒果的香味，3月份芒果開始當造，特別甜！而吃此cake的感党好似吃布丁一樣滑。十分愛！飲杯蓮花茶後，傾陣，再吃New York，好濃好結實，用义一吉亦不見鬆散，最怕食到啲散收收嘅所謂Cheese Cake，不知吃到麵粉還是吃到少得可憐的cream cheese!但唐記(唐三樓)真的沒令我們失望，亦籍此機會讚一下老Mon！果然好介紹！跟cake還有唧花曲奇數片，鬆化，吃罷不覺油膩。應鬆的鬆，不應鬆的不鬆，抵讚！加油！該晚傾埋啲八婆事，傾了兩小時才收檔，老Mon是會員，價錢平一點，埋單兼付tips都只是$110，她介紹我免費入會，下次自己來便收會員價，正合我呢啲女人仔心意！除了口淡淡想食糖水外，上"唐記"吃件homemade cake飲壼香茶，聽吓Bosanova，又是另一不錯的選擇。