貴緣小鍋米線 (和富)

佢係我係和富咁多間餐廳入面，食完一次後，會再去食2 3 4 5 6次嘅餐廳，湯底冇味精，可以成碗飲晒。個人唔係好食得辣，所以會揀唔辣嘅湯，豬骨濃湯同埋蕃茄湯底都好食，小朋友亦都鍾意，材料加到成碗都係，都係$100-120，夠飽！
用手機點QR code攞餐後，上菜等一陣都好快就嚟到。

跟餐加錢的炸魚皮細細份都幾好，不過要盡快食，放耐咗一陣，可能吸咗空氣嘅水份，就變咗冇咁脆身，淋咗啲。

另外魚腐、魚片頭、豬大腸、仲有豬軟骨都好好食，豬軟骨係每次嚟都會嗌嘅食物，炆得好腍又夠入味。


見到隔籬枱嘅酸辣魚片湯都唔錯，又好多魚片，而且魚肉都好嫩滑。