亞萊泰 (淘大商場3期) (已結業)

今日行過淘大商場，經過《亞萊泰》，突然間諗起大蝦粉絲煲，忍唔住一於入去食😄疫情下餐廳安排得很好，每張枱距離1.5米，所以食得很安心🤗主菜到大蝦粉絲煲，兩隻蝦大大隻開埋邊，夠晒方便，蝦頭夠大，蝦膏又多又香，蝦肉爽口彈牙，粉絲索晒啲蝦味，加埋特製醬汁煙煙韌靭，好食到呢！😇古法甜咖喱牛腩，唔食得辣又想食咖喱嘅朋友，啱晒 ! 牛腩好入味，又夠淋，撈飯食，一流👍蒜蓉炒雜菜，夠健康，幫助消化😄加埋兩碗黃姜飯，飽晒 !💯 (黃姜粉可以增強免疫力，預防老退化，大家可以試吓👍)