.
而家終於畀我遇到唔駛等嘅機會，於是就入去試下個粥底係咪真係名副其實咁「靚」先。
.
見枱枱都有叫炸兩咁滯，應該係必食嘅，然後有個街坊推介豬紅粥，所以我就叫埋啦。
.
《豬紅粥》$32
個粥底嘅質感的確係好綿滑，不過我個人覺得除咗呢樣之外，味道方面冇乜特別。豬紅有啲鬆散，啲粥聽聞係用瑤柱同腐竹嚟煲，但我就覺得冇話特別鮮甜，可能加魚腩魚片嘅話，味道會出啲。
.
《炸兩》$16
相比之下，我覺得個炸兩比較出色。腸粉皮薄，入面包住嘅油炸鬼非常香脆鬆化，放左一陣先食都冇變淋！
總括嚟講，炸兩好食，粥底質感綿滑，唔駛點等位嘅話都食得過嘅，但要等好耐嘅話我就唔會再戰。
