平民扒房@友蠔食 (已搬遷) 新店位置

平日晚餐，叫了熱石牛扒，200g肉眼及200g牛板腱，附送蕃茄湯，蕃茄湯擺明茄膏加茄汁，酸到痛不欲生。牛肉個樣幾好，但啲肉衰過大家樂鐵板餐。無論肉眼定牛板腱，一啲牛味都無！肉質好似擦子膠，難以吞下。醬汁竟然是死鹹現成照燒汁，如果舊肉質素正常，其實用鹽已經好好食，又點解會選用濃味汁呢？隨餐附上既前菜，一睇就吾開胃，衰過以前小學嗌啲飯盒。如果無心機整，不如吾好送，好寒酸。因為餐點無野飲，加了$12要特飲，用糖水加水就叫特飲！你杯野如果係送既，就算，但係我加左$12，比少少誠意好無！另外，加了一隻焗蠔，🙂臭既！最後，隆重介紹，利用優惠價加既$88兩隻西班牙珍寶生蠔。來到既時候，好震撼，好大隻，食落味道正常，有少少海水味，都creamy既。但係！我翻到屋企之後，就肚疴，疴水個隻~大家參考下啦，祝大家好運👍🏻