影片
更多
2023-11-26
475 浏览
1. 餐廳職員服務態度非常差點單時，幾樣菜式都售罄，再問職員有咩菜式有，職員答：「你嗌嗰幾樣嘢冇囉。」態度非常惡劣。我哋叫咗片皮鴨•鮑魚•龍蝦超值回饋宴，套餐有椰汁馬豆糕，後尾上甜品時，職員聲稱椰汁馬豆糕已售罄，要轉咖啡糕或杏仁茶。 我哋一開始就已經點咗呢個餐，唔係應該已經留起比叫咗套餐嘅客人咩？點解會話賣哂？會預唔夠份量？再者，我哋要求要同店長傾，職員講：「你叫店長都冇用㗎啦！」咖啡糕同杏仁茶我哋真係唔啱食，問有冇紅荳沙，職員再講：「今日啲紅荳沙唔靚，食咖啡糕啦！」呢啲究竟係咩態度？餐牌嘅嘢食貨不對版，19:30嚟到已經有幾樣菜式話賣哂，食到最後竟然連餐嘅馬荳糕都冇！個餐一早已經叫咗，竟然話賣哂，而且態度仲要咁差。2. 嘢食份量少又唔好食我哋今次一行9人，叫咗12人嘅片皮鴨•鮑魚•龍蝦超值回饋宴，原本諗住食唔哂就打包，點知我哋食完個餐，都完全唔覺得飽，之後再要散叫多2個飯同一個餸先頂到肚，佢個12人餐份量會唔會少得可憐⋯⋯個餐啲嘢食味道仲要好淡，個雞絲羹仲要怪怪地味，真係飲唔落。中肯啲，散叫嘅嘢味道就還可以，但個餐就完全唔掂呀！總之今次體驗非常差，請我去都唔會再去！
點單時，幾樣菜式都售罄，再問職員有咩菜式有，職員答：「你嗌嗰幾樣嘢冇囉。」態度非常惡劣。
我哋叫咗片皮鴨•鮑魚•龍蝦超值回饋宴，套餐有椰汁馬豆糕，後尾上甜品時，職員聲稱椰汁馬豆糕已售罄，要轉咖啡糕或杏仁茶。 我哋一開始就已經點咗呢個餐，唔係應該已經留起比叫咗套餐嘅客人咩？點解會話賣哂？會預唔夠份量？
再者，我哋要求要同店長傾，職員講：「你叫店長都冇用㗎啦！」咖啡糕同杏仁茶我哋真係唔啱食，問有冇紅荳沙，職員再講：「今日啲紅荳沙唔靚，食咖啡糕啦！」呢啲究竟係咩態度？
餐牌嘅嘢食貨不對版，19:30嚟到已經有幾樣菜式話賣哂，食到最後竟然連餐嘅馬荳糕都冇！個餐一早已經叫咗，竟然話賣哂，而且態度仲要咁差。
2. 嘢食份量少又唔好食
我哋今次一行9人，叫咗12人嘅片皮鴨•鮑魚•龍蝦超值回饋宴，原本諗住食唔哂就打包，點知我哋食完個餐，都完全唔覺得飽，之後再要散叫多2個飯同一個餸先頂到肚，佢個12人餐份量會唔會少得可憐⋯⋯
個餐啲嘢食味道仲要好淡，個雞絲羹仲要怪怪地味，真係飲唔落。
中肯啲，散叫嘅嘢味道就還可以，但個餐就完全唔掂呀！
總之今次體驗非常差，請我去都唔會再去！
张贴